delimiter a1delimiter a2

Коктебельде, манзаралы кёрфезнинъ ялысында, къадимий Кара-Дагъ янардагъы ве киммерлер байырлары арасында 20-нджи асырнынъ чокъ эфсанелерини ве риваетлерини сакълагъан аджайип Эв тура. М. А. Волошин тарафындан къонушув ве иджат ичюн, «Русие ве атта Авропа медений меркезлеринден бири, «эписи ёлларгъа догъру» ачылгъан Эв тикленген.

2013 сенеси сентябрь айында шаир Эвининъ – озьгюн медений тимсалининъ къурулышы ёкюнленювине 100 йыл тола. Бу меркез Коктебельде чокъусы иджадий зиялылар несиллерини джельп эте эди. Кечкен асырнынъ башындан Эвде энъ янъы эдебий ве музыка эсерлери янъгъырай, земаневий санатнынъ ёнелишлери акъкъында мунакъашалар девам этмекте, ильмий ве тарихий денъшишмелерни тайинлеген гъаелер пейда ола эди.

1984 сенесинден мемориаль бинада халкъара медений муитинде белли олгъан мукеммель шаир, рессамджы, терджиман, озьгюн тенкъитчи, улу мутефеккир М. А. Волошиннинъ эв-музейи ерлеше. Тарихий бина ве зенгин коллекция оны 20-нджи асырнынъ боранларына даянгъан авропа музейлернинъ къыскъа сырасына къоймагъа имкян ярата.

Эв-музей Коктебельде шанлы волошин аньанелерни девам этмекте. Чешит мемлекетлерде «Волошинские чтения» ильмий конференциялары, «Волошинский сентябрь» - Эдебий Волошин ярышы, М. А. Волошин адына Эдебий фестиваль, «Коктебель» Бедиий рессамлыкъ (пленэр), Халкъара Волошин премиясыны берюв, «Киммерийский топос: мифы и реальность» ильмий-медений конференция ве генчлик семинарлары чокъ актуальдир.

Нет аккаунта? Зарегистрируйтесь!

Войдите в свой аккаунт